Por Europa Press / Redacción | SANTIAGO DE COMPOSTELA | 02/09/2019 | Actualizada ás 19:20
O Grupo Parlamentario de En Marea --onde se manteñen os deputados da confluencia de Podemos con Anova e EU, tras a escisión protagonizada por Luís Villares e os seus afíns-- prevé arrincar o curso político con novo nome e estrutura organizativa.
Os detalles concretaranos os parlamentarios Manuel Lago e Luca Chao na próxima xornada. E é que este martes se celebra a primeira Xunta de Portavoces do novo curso político.
Fontes parlamentarias ratificaron que, en principio, bastaría un escrito comunicando o cambio para que se materialice, sempre que a nova denominación non afecte o decoro da Cámara e non choque cos nomes doutros grupos.
Os deputados mantiveron este luns unha reunión para perfilar os detalles e, segundo as fontes consultadas por Europa Press, á espera de que o nome se ratifique oficialmente na próxima xornada, a designación que estaría sobre a mesa sería Grupo Común da Esquerda.
En canto á portavocía, preguntado nos corredores da Cámara, o deputado Manuel Lago, independente aínda que próximo a EU, confirmou que el seguiría como portavoz, aínda que non aclarou se compartirá protagonismo con deputados doutras sensibilidades, como outras voces internas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.