Galicia, unha das zonas máis afectadas polo "cártel do leite"

Avogados cifran en máis de 16 millóns as reclamacións de gandeiros galegos e lembran que é a oitava rexión láctea a nivel europeo.

Por Europa Press / Redacción | SANTIAGO DE COMPOSTELA | 03/09/2019 | Actualizada ás 14:50

Comparte esta noticia

A sanción que a Comisión Nacional dos Mercados e a Competencia (CNMC) impuxo ao denominado "cártel do leite" deu a posibilidade aos gandeiros galegos de reclamar ás grandes industrias lácteas un importe que podería alcanzar os 16 millóns de euros só polo último exercicio, segundo indicou o despacho de avogados Caruncho, Tomei & Judel.

Segundo Ignacio Caruncho, director do bufete, "as prácticas sancionadas abren a porta a que as explotacións gandeiras inicien procesos xudiciais contra as grandes empresas de recollida do leite. Pola importancia deste sector para a comunidade, estamos a falar de miles de reclamacións que ascenderán a millóns de euros en base á sanción da CNMC segundo o volume de produción afectado", engadiu.

Galicia, apuntan, é a comunidade máis afectada en España polas prácticas do cártel do leite. "É a oitava rexión láctea a nivel europeo, concentra o 55% das explotacións lácteas de España e produce preto da metade do leite, pero as súas granxas son as que menos cobran. Esta situación supuxo que en 10 anos pecháronse máis de 6.000 explotacións gandeiras, ante unha situación insustentable para o sector", denunciaron.

O despacho de avogados explicou que "a práctica totalidade das explotacións gandeiras galegas foron afectadas por estas prácticas", xa que "o sector lácteo galego está operado por catro grandes industrias: Leite Río, Leite Celta, Feiraco e Lactalis". "Todas elas foron expedientadas, pero no caso do tres primeiras, as súas infraccións xa prescribiron, polo que só poderán reclamar os gandeiros que traballan con Lactalis", precisaron.

Camión cisterna de transporte de leite
Camión cisterna de transporte de leite | Fonte: autoline.pe

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 3 comentarios

1 anonimo

O problema é claro, Galiza é produtor de matéria prima que transformasse em industrias em mãos de pessoas de fora que procuram a maximização dos seus benefícios, sintoma claro de país colonizado terce-mundista (se há uma suba de preços, as empresas de fora marcharam a explotar outro país) . A única solução é transformar as matérias primas na Galiza em empresas de capital galego!

1 Mugueimes

Simplista demais. O capital não tem pátria. E menos aínda nos 'gallegos' com capital, grupo que não acredita nada no país. Exemplos: confederações de empresários ao serviço do império, total negativa a apoiar uma banca galega ou um grupo lácteo galego, submissão ao poder centralista, identificação nula com a cultura autóctone e nenhum respeito pelo meio natural, abuso e exploração dos trabalhadores com a cumplicidade dos falsos sindicatos...

2 anonimo

Concordo, o dinheiro não tem pátria, mas o feito de que os regentes das confederações de empresários galegas não estejam comprometidas com o país, como primeiro exemplo, não usam a nossa língua, é porque não são galegas. São os descendentes dos que sustituirom a nobreza galega com a famosa “doma e castração” em palavras de Castelao, e este é precisamente um dos muitos males que tem a nossa terra.