A exposición 'Argallar' mostrará aos máis pequenos a arquitectura con xogos na Cidade da Cultura
Algunhas das actividades contarán con dispositivos lúdicos para desenvolver a creatividade e a autonomía dos mozos.
Por E.P. | SANTIAGO DE COMPOSTELA | 04/09/2019 | Actualizada ás 17:31
A mostra itinerante 'Argallar' estréase na Cidade da Cultura para achegar a arquitectura aos máis pequenos e ás súas familias a través do xogo e de dispositivos lúdicos a partir do próximo 13 de setembro.
En concreto, a exposición busca a interacción do mundo da arquitectura cos menores de infantil e primaria para darlles a posibilidade de experimentar coa construción, tanto de forma pautada como desde unha perspectiva libre e autónoma.
Desta maneira defínese o proxecto impulsado pola Asociación Ludantia, que estará aberto aos visitantes desde o 13 de setembro ao 10 de novembro e que ten como público principal aos máis pequenos e aos centros escolares de infantil e primaria, que poderán gozar da mostra de forma gratuíta.
Algunhas das actividades contarán con dispositivos lúdicos para desenvolver a creatividade e a autonomía dos mozos, á vez que os afastará dos estereotipos, explicou a Xunta este mércores nun comunicado.
Ademais, 'Argallar' incidirá no a estimulación do enxeño para facer que os nenos e nenas descubran "o gusto" de construír por se mesmos, "sen obsesionarse coa finalidade ou a meta", engadiu a Administración autonómica.
