Animalistas solicitan á Xunta que suspenda a tempada de caza como medida de prevención de incendios
Atribúen a "intereses cinexéticos ou gandeiros" parte dos lumes.
Por Europa Press / Redacción | SANTIAGO DE COMPOSTELA | 05/09/2019 | Actualizada ás 17:21
A asociación animalista Libera solicitou este xoves á Xunta que paralice a tempada de caza a tenor do índice de risco extremo de incendios forestais existente en Galicia.
Desta forma, os animalistas piden ás Consellerías de Medio Rural e Medio Ambiente que "nun exercicio de responsabilidade conxunta" se aplique a suspensión das batidas durante os próximos días.
Libera considera que existe unha porcentaxe de incendios "provocados por intereses cinexéticos ou gandeiros", que sumados á alerta de risco extremo "debería" activar esta iniciativa "correspondente en exclusiva" á administración autonómica.
A mesma asociación propuxo unha modificación na lei de montes e na, recentemente aprobada, lei de patrimonio natural para incrementar os prazos para que actividades económicas como a caza poidan executarse en zonas queimadas.
