Denuncian a "nula" cobertura de prazas do servizo de prevención e extinción de incendios en Ourense

O comité de empresa de Medio Rural en Ourense denuncia a "nula" cobertura prazas no servizo de prevención e extinción de incendios na provincia. Carga contra o que considera trato "denigrante" da Xunta, pois "deixa sen cubrir practicamente a totalidade de prazas baleiras do SPIF na provincia", unhas 50 prazas "tanto vacantes como non vacantes".

Así, o comité advirte de que hai prazas vacantes de xefe de cuadrilla, bombeiro forestal condutor motobomba, bombeiro forestal condutor, bombeiro forestal, prazas de persoal que pasou a unha segunda actividade.

Esta situación esta unida a baixas de longa, media e curta duración de "todas as categorías", o que implica que "varias brigadas, motobombas e casetas de vixilancia desta provincia estean algúns días inoperativas por falta de persoal".

Por iso, o comité considera que é "urxente e imprescindible" cubrir o "cento por cento" destas prazas dun servizo "imprescindible" para a poboación.