Os traballadores de Alcoa en Lugo manteñen as mobilizacións

Cren que as eleccións "van condicionar" o seu futuro.

Por E.P. | SANTIAGO DE COMPOSTELA | 18/09/2019 | Actualizada ás 14:15

Comparte esta noticia

O presidente do comité de empresa de Alcoa en San Cibrao (Cervo), Xosé Paleo, asegurou que se mantén o calendario de mobilizacións, a pesar da reunión que mantiñan esta semana coa ministra de Industria, Reyes Maroto, en Madrid, onde sacaron unha impresión "moderadamente positiva".

"Imos continuar co calendario de mobilizacións, con datas fixadas e outras pendentes de establecer. Xa dixemos que segundo evolucionase o asunto ese calendario era susceptible de modificarse, ou ben para ampliarse ou ben para reducirse", puntualizou.

Ademais, o presidente do comité de empresa considera que a próxima cita electoral "vai condicionar o futuro" da planta de Alcoa na Mariña de Lugo. Sobre a reunión, insistiu en que foi "moderadamente positiva" porque a situación "xa levaba a que seguro que ía ver outra vez eleccións". "E ata que vexamos como se van concretando esas promesas da ministra non nos vai a quedar outra que seguir coas protestas porque as cubas seguen paradas", resaltou.

Precisamente son 32 cubas das máis de 500 de electrolisis, as que seguen paradas, e Paleo advertiu que por parte de Alcoa non houbo ningunha noticia de "cando van volver a arrincar". "Volverán arrincar cando as condicións o permitan, que é o mesmo que dicir que non o sabemos, o mesmo pode ser a semana que vén que non cremos, como pode ser un ano", subscribiu.

Alcoa San Cibrao (Cervo)
Alcoa San Cibrao (Cervo)

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta