Un blindado da Segunda Guerra Mundial en Santiago
Trátase dun blindado 'M8' do exército dos Estados Unidos.
Por Europa Press / Redacción | SANTIAGO DE COMPOSTELA | 21/09/2019 | Actualizada ás 10:11
A Praza do Obradoiro de Santiago acollerá este sábado o IX concentración de vehículos históricos das Xornadas do Patrimonio, que contará este ano coa presenza dun blindado 'M8' do exército dos Estados Unidos da Segunda Guerra Mundial.
Trátase doutra edición máis deste evento que leva a cabo conxuntamente a asociación de comerciantes e empresarios Compostela Monumental, xunto co Automóbil Club de Galicia e o Concello da capital galega.
A exposición de coches históricos, que permanecerá na Praza do Obradoiro entre as 11,30 e as 18,30 horas, contará cuns 160 exemplares de todas as décadas.
O protagonista será o blindado 'M8' do exército estadounidense, actualmente propiedade do empresario libreiro Manuel Areas, e que recentemente participou nos actos conmemorativos do 75º aniversario do desembarco de Normandía.
