A Autoridade Portuaria da Coruña recibirá 4 millóns de euros para os portos interior e exterior en 2019 e 2020

Por E.P. | SANTIAGO DE COMPOSTELA | 21/09/2019 | Actualizada ás 13:46

Comparte esta noticia

A Autoridade Portuaria da Coruña recibirá 4 millóns de euros, procedentes do Fondo de Compensación Interportuario, para financiar diversos investimentos nos portos interior e exterior, correspondentes ás anualidades de 2019 e 2020.

O xoves celebrouse en Xixón a reunión anual do Fondo de Compensación, coa asistencia dos presidentes de Portos do Estado e das 28 autoridades portuarias españolas.

Na cita aprobouse a distribución do fondo, e, á marxe das contribucións e percepcións que se aplican por criterios comúns a todo o sistema portuario, foron aceptadas as solicitudes efectuadas pola Autoridade Portuaria da Coruña dirixidas a financiar investimentos específicos.

Desta forma, obtivéronse 1,4 millóns de euros para o novo control de accesos de San Diego, no porto interior; mentres que, no caso do Porto Exterior, obtéñense 810.000 euros destinados ao peche perimetral, 515.000 para a construción da dársena de embarcacións menores e outros 650.000 euros para instalacións de salvamento marítimo e loita contra a contaminación.

Con estas cantidades fináncianse practicamente na súa totalidade este catro actuacións, destinadas a mellorar as condicións de operatividade e seguridade dos dous portos que xestiona a Autoridade Portuaria da Coruña, "logrando un importante aforro para o organismo coruñés", indicaron, nun comunicado.

Porto Exterior da Coruña. AUTORIDADE PORTUARIA DA CORUÑA
Porto Exterior da Coruña. AUTORIDADE PORTUARIA DA CORUÑA | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta