Por Europa Press / Redacción | SANTIAGO DE COMPOSTELA | 21/09/2019 | Actualizada ás 14:47
Un home enfróntase a unha pena de cárcere de catro anos e medio de cárcere por supostamente causar en setembro de 2017 un incendio forestal no municipio ourensán da Porqueira que queimou unha superficie de 0,01 hectáreas.
O xuízo terá lugar o vindeiro mércores na Audiencia Provincial de Ourense. O Ministerio Público solicita para o acusado, ademais da citada pena de prisión, unha multa de máis de 3.500 euros.
Segundo o escrito de Fiscalía, o home dirixiuse nun vehículo da súa propiedade á zona da paraxe de Foz, na Porqueira, onde prendeu lume a dous puntos separados entre si por 260 metros.
Esta acción produciuse cando existía risco de incendio extremo, dado que as condicións meteorolóxicas eran "favorables á propagación" das chamas con temperaturas de case 19 graos centígrados, humidade relativa do 58% e refachos de vento duns 20 quilómetros por hora.
Ademais da pena de cárcere e a multa, o Ministerio Público tamén reclama que o acusado indemnice á Xunta con 258,8 euros, custo das tarefas de extinción do lume.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.