Dispárase o número de nenos que sabe falar pouco ou nada o galego durante a última década

O retroceso no uso do galego das novas xeracións queda patente en que na actualidade o 44% dos menores de 15 anos fala sempre en castelán, de forma que se dispara case 15 puntos nunha década. Os que falan sempre en galego baixan un punto e quedan no 14%.

Por Europa Press / Redacción | SANTIAGO DE COMPOSTELA | 27/09/2019 | Actualizada ás 12:19

Comparte esta noticia

Un de cada catro nenos galegos sabe falar pouco ou nada de galego, nunha taxa que se incrementa máis de sete puntos na última década, ao pasar do 16,4% de 2008 ao 24% de 2018, segundo os datos que publica este venres o Instituto Galego de Estatística (IGE).

Entre os menores de 15 anos, un 38% sabe falar moito o idioma propio de Galicia, o que supón un retroceso de sete puntos en 10 anos (era do 45% en 2008). É a cifra máis baixa por tramos de idades, 20 puntos menos da media xeral na Comunidade (do 57,6%). Ademais, a porcentaxe de nenos que saben falar pouco ou nada (o 24%) supón o dobre que en toda a poboación (12%).

Aínda que o 83,4% dos galegos di aprender o galego en casa, entre os menores de 30 anos invírtese esta tendencia, posto que a escola (o 93,73%) supera o ámbito de aprendizaxe da familia (69,99%).

O retroceso no uso do galego das novas xeracións queda patente tamén en que na actualidade o 44% dos menores de 15 anos fala sempre en castelán, de forma que se dispara case 15 puntos nunha década (era do 30% en 2008). Os que falan sempre en galego baixan un punto e quedan no 14%.

No total da poboación, un 24,4 fala sempre en castelán (catro puntos máis en 10 anos), mentres unha 30,6% fala sempre en galego (mantense estable). Caen cinco puntos os que falan máis galego que castelán ata o 21,7%, mentres soben ata 23,3% os que falan máis castelán que galego.

ÁMBITOS DE USO DO IDIOMA

O 44,34% da poboación de Galicia que ten fillos fálalles en galego sempre, o 31,20% sempre en castelán, o 13,85% máis castelán que galego e o 9,50% máis galego que castelán. No tocante aos fillos, cabe destacar que ao redor do 39% fala sempre en galego cos seus proxenitores e ao redor do 37% sempre en castelán.

No traballo, o 30% da ocupados fala sempre en galego cos compañeiros e o 28% faino sempre en castelán. Con todo, á hora de manter unha conversa con superiores os que empregan sempre o galego descenden ao 25% e os que usan o castelán soben ao 35,4%.

Dentro do ámbito social, o uso exclusivo do galego está máis estendido nas relacións entre amigos. O 34,12% da poboación de Galicia habitualmente fala sempre en galego neste caso. Con todo, o 39,4% comunícase co profesorado dos seus fillos e fillas exclusivamente en castelán e o 34,07% sempre utiliza este idioma cos especialistas sanitarios.

No campo educativo a utilización de ambos os idiomas, galego e castelán, é bastante parella: o 59,57% das persoas que estudan en Galicia recibe a mesma proporción de clases en galego que en castelán. Con todo, os maiores de 17 anos reciben unha educación maioritariamente en castelán nun 41,6%, fronte ao 15,8% que é maioritariamente en galego.

No tocante aos medios, o 83% dos maiores de 16 anos ve sempre a televisión en castelán ou máis castelán que galego. Esta taxa elévase en ler libros (95%), navegar por Internet (96%) e ler prensa (97%). Nas redes sociais só hai un 26% que usa sempre galego ou máis galego que castelán.

En 2018 no 22,70% dos fogares galegos con todos os seus membros de cinco ou máis anos falaban habitualmente só en galego. Esta porcentaxe sobe ata o 45,7% nos municipios de menos de 10.000 habitantes, mentres baixa ao 5,7% nos de máis de 50.000 persoas.

XEOGRAFÍA DO EMPREGO DO GALEGO

Por ámbito xeográfico, as áreas da Coruña suroriental e da Costa da Morte son as que presentan maiores porcentaxes de poboación que fala habitualmente en galego sempre ou máis galego que castelán, cun 93,14% e un 92,43%.

No outro extremo atópanse a área de Vigo, cun 25,5% de persoas que fala habitualmente en galego sempre ou máis galego que castelán, a área da Coruña (un 33,55%) e a área de Ferrol-Eume-Ortegal (un 33,75%).

Entre o sete cidades, onde hai unha porcentaxe maior de persoas que fala habitualmente en galego é Lugo (o 44,7%), mentres onde menos se emprega é en Vigo (o 15,2%).

ESCRITURA MAIORITARIA EN CASTELÁN

Á hora de identificar o uso do idioma escrito, o castelán mantense como predominante de forma acusada, supón o utilizado polo 82,11% da poboación, fronte ao 16,6% que o fai en galego (o 1% restante está no apartado doutras situacións).

Se se comparan estes datos coas persoas que falan habitualmente galego, identifícase que hai un 63,8% deles que escriben habitualmente en castelán e só un 36,2% en galego.

Xente nova . UPCT - Arquivo
Xente nova . UPCT - Arquivo

MODELO DE CONVIVENCIA

O conselleiro de Cultura e Turismo, Román Rodríguez, di que o estudo "reflicte un modelo de convivencia do uso das dúas linguas, que foi unha das prioridades do noso Goberno, subliñou para considerar que "van na boa liña" posto que "se fala máis galego e máis as dúas linguas cooficiais". Iso, considerou, "responde a unha liña de traballo que está a ter moi bos resultados". "Estamos ante unha sociedade cada vez cun uso máis normalizado", afirmou, para destacar a Galicia como "un modelo de convivencia no tocante ás dúas linguas cooficiais".

"Cada vez as familias e os mozos usan máis o galego. Neste sentido temos unha certa esperanza de que o resto de informacións constaten este modelo de convivencia no uso das linguas", manifestou, para insistir en que os datos do IGE "avalan unha sociedade madura e un modelo de convivencia das linguas en harmonía e respecto".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 19 comentarios

4 anonimo9705

'Gallego' es BNG. 'Gallego' son las mentirar según las cuales los Reyes Católicos llevarona cabo un genocidio en Galicia. 'Gallego' son las falsedades que encumbran al mariscal Pardo de Cela, que quería colgar a todos los irmandiños y al que le respondieron educadamente que dejase de delirar, que no había suficientes árboles. 'Gallego' es un victimismo cansino, odio hacia el de la meseta y tragicomedias de 'terra asoballada'. Siembran mala hierba y se quejan de que cosechan poco trigo.

1 TGB

Gallego también es la cultura del sacho, churrasco, Luar y las fiestas peperas de ¡haberá viño, pulpo e tortilla a fartar!

2 nostrus

Cierto, gallego es todo lo que tenemos en Galicia, desde el gallego y el español hasta la muralla de Lugo y el rio Sil, pasando por el BNG, el lacon con grelos y un largo etcetera. Cosa que desde el nEcionalismo no se sabe digerir.

3 Remulo

Consecuencia lógica de 35 años de imposición fanática del gallego y de su asociación a la intolerancia y las ideologías marginales. Eso sí, bien que se forraron algunos con el gallego

1 TGB

Y se siguen forrando. Lees La Voz y el gallego sube. Aquí baja, con lo cual se justifican las subvenciones y puestos trabajo ad hoc para los amiguiño o amigachos.

2 lóstrego

Incluso falan xa con acento castelán e conxugando o pretérito perfecto do indicativo. Hai que recoñecer que os mestres tamén se esmeran.

1 anonimo9705

Lo cual está muy bien. Las lenguas evolucionan y en particular toman préstamos de otras lenguas con las que estén en contacto cuando éstos son útiles. El castellano, por ejemplo, tiene miles de palabras que provienen del árabe. Es lógico que el gallego adopte del castellano los tiempos compuestos, son muy útiles. Pero nada, mantengamos supuestas esencias y enseñemos un idioma gallego sacado de la manga que cada vez tiene menos que ver con el gallego real.

2 Pertom

Confundir evoluçom com interferência é um síntoma de incultura supina ou de mala intençom. Agardo que seja do primeiro. Que diriam vostedes se um falante de castelám nom soubesse conjugar os verbos, cometesse erros graves e demais? De feito já se burlam cada vez que algum catalám, galego ou basco comete algumha incorreçom em castelám por influência das suas línguas.

1 Xanc

Gracias FakeJóo! Tanta paz leves como deixas