Por Europa Press / Redacción | SANTIAGO DE COMPOSTELA | 29/09/2019 | Actualizada ás 13:29
O secretario xeral do PSdeG, Gonzalo Caballero, acusou ao presidente da Xunta e do PPdeG, Alberto Núñez Feijóo, de "manterse como un espectador que non quere asumir responsabilidades" ante a crise que atravesa a central térmica de Endesa nas Pontes.
Nunha entrevista emitida na Radio Galega este domingo, pero que foi gravada antes de que o venres a empresa anunciase a aceleración do peche da planta, o líder dos socialistas galegos apostou por "traballar por unha transición ecolóxica importante" e por marcar o emprego como unha "prioridade".
"Nós queremos estar cos traballadores e temos que buscar mecanismos de transición ecolóxica xusta que, a través de enerxías alternativas ou outras vías industriais, permitan reacomodar á poboación", trasladou.
Ademais, dixo que "o problema" é que o presidente da Xunta, que "leva dez anos" á fronte da Comunidade con "competencias en materia industrial", mantense como "espectador que non quere asumir responsabilidades".
"Galicia ten un presidente para que traballe, ten un conselleiro de Industria para traballar", reiterou, para despois lamentar que Feijóo "non só soluciona" estas crises, "senón que atranca".
Neste sentido, Gonzalo Caballero lembrou a situación pola que atravesou a planta de Alcoa na Coruña --agora Parter-- cando anunciou o seu peche. E é que, segundo o socialista, mentres o Goberno de España "púxose a traballar" para buscar un investidor, Feijóo "chegou a dicir que non ía haber ningún". "Enganounos e faltou á verdade", criticou o líder do PSdeG.
DÉBEDA DE 700 MILLÓNS
Noutra orde de cousas, defendeu o "compromiso" do Ministerio de Facenda para atopar unha solución para transferir a Galicia os 700 millóns de euros que reclama o Executivo galego.
"O que dicía o Goberno é que un Goberno en funcións, antes dunha convocatoria electoral e sen Orzamentos Xerais do Estado, había un informe da Avogacía do Estado que implicaba que iso non se podía actualizar nese momento", asegurou.
Agora, xa acabada a lexislatura errada, "o escenario cambiou e a Avogacía do Estado está a buscar mecanismos" para realizar as transferencias, explicou, para despois criticar que a Xunta busque a "confrontación" cunha "estratexia
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.