Por E.P. | A CORUÑA | 30/09/2019 | Actualizada ás 18:41
O pleno da Coruña aprobou, co apoio de PSOE, Marea Atlántica, BNG e Cs e a abstención do PP, un modificativo de crédito de 2,9 millóns para garantir os fondos para as rendas sociais e de emerxencia social.
O modificativo inclúe a concesión de tres créditos extraordinarios e outros 14 suplementos. En concreto, segundo informa o goberno local, destinarase un incremento de crédito de 417.000 euros a rendas sociais.
Este suplemento servirá para sufragar mensualidades que non estaban cubertas polo orzamento previsto. Este modificativo, segundo explicou o portavoz socialista, José Manuel Lage, permitirá facer fronte ao pago das rendas sociais e as de emerxencias sociais no conxunto do exercicio 2019, ademais de incorporar novas actuacións.
En total, trátase de 243 rendas avaliadas e concedidas. A outra partida de 240.000 euros destinarase a emerxencia social, das que este ano se atenderán un total de case 2.000 solicitudes.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.