Os pacientes de HM Centro Integral Oncolóxico poderán acceder a ensaios clínicos en fases temperás

Este acordo co The Start Center, grupo de investigación estadounidense, permitirá avanzar en novas terapias oncolóxicas.

Por E.P. | SANTIAGO DE COMPOSTELA | 01/10/2019 | Actualizada ás 12:21

Comparte esta noticia

A renovación por outros 10 anos do acordo que vincula á Fundación de Investigación HM Hospitais e The Start Center, grupo de investigación estadounidense, terá unha extensión en Galicia polo que os pacientes do Centro Integral Oncolóxico poderán acceder a ensaios clínicos en fases temperás.

Segundo informou HM Hospitais nun comunicado, mediante este convenio, os pacientes galegos do Centro Integral Oncolóxico Clara Campal (CIOCC Galicia), situado no Hospital HM A Esperanza, "poderán acceder a ensaios clínicos de investigación oncolóxica en fases iniciais".

Para a directora de HM CIOCC Galicia, Teresa Curiel, a inclusión deste centro representa "unha excelente noticia para os profesionais" que forman parte desta organización, "pero especialmente para os pacientes", engadiu.

"A nós vainos a permitir pór rumbo firme ao desenvolvemento de ensaios clínicos fase I con novas terapias oncolóxicas, o que facilitará nos próximos anos o tratamento daqueles pacientes a quen a terapia estándar non lles resulta efectiva ou lles deixou de funcionar, tendo a oportunidade de ofrecerlles unha maior esperanza de vida e que esta sexa de mellor calidade", sinalou.

Os pacientes de HM Centro Integral Oncolóxico de Galicia poderán acceder a ensaios clínicos en fases temperás.. HM HOSPITAIS - Arquivo
Os pacientes de HM Centro Integral Oncolóxico de Galicia poderán acceder a ensaios clínicos en fases temperás.. HM HOSPITAIS - Arquivo | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta