Advirten dunha nova crise na economía galega

A actividade económica en Galicia continúa o seu descenso no segundo trimestre do ano. O crecemento da comunidade mantense nun 2% do PIB en termos interanuais, a mesma tendencia dos últimos meses, e por baixo do 2,3 da media de España. Ademais destas cifras, o Foro Económico advertiu dunha caída na produción industrial e nas exportacións, a diferenza do que está a suceder no ámbito estatal.

Estas son as principais premisas incluídas no III Informe de Conxuntura Socioeconómica 2019, elaborado pola citada entidade e presentado este mércores en Santiago de Compostela. O Foro matiza, no entanto, que esta desaceleración "non é dramática" pero si "continua no tempo" e prevé que o ano finalice nos mesmos termos de crecemento, de momento "moi por encima" dos países da contorna e da propia UE.

De feito, nos últimos meses estanse sucedendo a un ritmo nunca visto a desaparición do tecido industrial galego. Uns datos que demostran que a pouca industra deste país morre paseniñamente pola inacción das administracións, os fondos boitres e as especulacións, e a falta de certezas laborais.  Unha crise que afecta a máis de 5.100 traballadores, desde a industria naval, á telefónica, pasando polas enerxéticas ou hidroeléctricas.

O índice de crecemento compórtase en termos "moi similares" en Galicia e no escenario estatal pero cun matiz: a diferente evolución do gasto das familias e das exportacións. O gasto familiar está aumentado "significativamente máis que hai un ano", en niveis anteriores á crise económica, mentres que en España é menor que no territorio galego, segundo engade Santiago Lago.

Esta "desincronía" entre ambos os casos tamén se repite coas relacións co exterior. Fernando González Laxe apuntou o contraste entre o crecemento interno e o gasto familiar, provocando que a demanda interna maior debido á mellora dos salarios, mentres que a externa experimentou unha caía nos datos de exportacións e importacións (do 8,6 e do 6,6 por cento, respectivamente).

Para Laxe, esta situación reflicte que as medidas de internacionalización levadas a cabo polo Goberno galego "non están a resultar exitosas" e as empresas que o conseguen carecen da capacidade para entrar nos mercados, ao que uniu o descenso en I+D+i e do PIB neste caso.

No ámbito industrial existe, ademais, unha caída na produtividade e unha contracción tanto no sector en xeral como na industria manufactureira en particular, que se retrotrae un 0,8 respecto ao trimestre anterior. Ao mesmo tempo, a construción, os servizos e o sector primario experimentan unha retardación no seu crecemento interanual, liderado polo primeiro.

NECESÍTANSE "ALTERNATIVAS"

A desincronía existente e os resultados no sector industrial deixan a Galicia nunha situación "moi sensible" aos comportamentos que se producen a nivel internacional. "É o momento de repensar as cousas", considerou Lago, e estender o bo facer en departamentos como Medio Rural a outros ámbitos para "reaccionar á realidade". Neste sentido, cre que é bo que Galicia conte con orzamentos, tras a intención anunciada da Xunta de sacar o teito de gasto e as contas este ano.

A pesar diso, insistiu en que estes orzamentos teñen que aproveitarse "con novas políticas". Laxe, nesta liña, comparou o caso galego co do País Vasco, onde existen mecanismos e acordos para o sector que permiten xerar valor e gañar cota de mercado. Lago advertiu, así, que o sector presentaba certos "riscos" a pesar das boas cifras obtidas no período 2000-2017, que "estaban desde hai tempo", e "buscar solucións entre todos" sen caer no "dramatismo".

"Non nos podemos dar por satisfeitos", engadiu, para apostar por "actividades alternativas" e respostas que permitan liquidar estes problemas, entre eles, o caso do 'Brexit' ou da transición enerxética. "Había que reaccionar", insistiu Laxe, e non "esperar ao último día para tomar unha decisión", animando aos poderes públicos a "tomar decisións" con responsabilidade e chegar a acordos.

MERCADO LABORAL

José Francisco Armesto, pola súa banda, repasou a situación do mercado laboral, que se mantén nunha tendencia "razoablemente positiva" e cunha caída do desemprego, en especial do paro de longa duración. Tanto a EPA, as afiliacións como o emprego equivalente a tempo completo presentan taxas de crecemento positiva e descenso do desemprego rexistrado nos últimos catro anos e medio e a poboación ocupada crece un 2,1 por cento no segundo trimestre, mentres que as afiliacións un 1,9%. O paro rexistra, ademais, a baixada máis acusada desde o ano 2006, cunha caída do 19,8 por cento.

Galicia sitúase, así, como a terceira comunidade con maior caída de poboación parada tras Navarra e Cantabria e o número de asalariados crece tanto en temporais como indefinidos.

SINDICATOS, "GRAVE PROBLEMA INDUSTRIAL"

Respecto diso, o secretario confederal de Emprego e Industria da CIG, Fran Cartelle, asegurou que estes indicadores "confirman o grave problema industrial" que padece a Comunidade e advirte do seu posible "aumento mentres non exista un plan industrial galego" que conte coa "soberanía" necesaria dun "goberno que lexisle e actúe a favor dos intereses da clase traballadora".

Sobre este asunto tamén se pronunciou a secretaria de Emprego de CC.OO, Maica Bouza, que suxire "tomar medidas" para evitar "a recesión" e a "ruptura, xa débil, tecido produtivo". Ademais, "os datos confirman que o modelo produtivo está esgotado" asegura Bouza, que tamén cre que as cifras deste xoves mostran como o mercado laboral galego "está en luces vermellas", sobre todo debido aos "conflitos" que se producen nos sectores industriais.

Por este motivo, o secretario da CIG fixo un chamamento "á mobilización contra a desertización industrial" que están a padecer as industrias de Galicia, un sector no que o desemprego creceu un 0,96% en setembro, por encima da media estatal.

PRECARIEDADE

Por outra banda, os sindicatos tamén denunciaron a "precariedade laboral" que sofren os traballadores, xa que " nin co crecemento do desemprego, descende a elevada contratación" apunta Cartelle. Ao seu xuízo, isto evidencia "a precariedade campante" en Galcia, o "empobrecimiento masivo" da clase traballadora e un escenario laboral que experimenta unha "alta rotación e unha escasa duración dos contratos", que en setembro chegaron a 106.735, dos que "tan só o 9,2%" foron de carácter indefinido.

A este respecto tamén se pronunciou Maica Bouza, que tachou esta rotación de "escandalosa" e hao ejemplificado con datos que confirman que "o 45% dos contratos" que se asinaron no sete primeiros meses de 2019 eran "de menos dunha semana".

BRECHA DE XÉNERO E NOVOS

Outra das preocupacións dos sindicatos é a brecha de xénero e o paro entre os mozos, así como o de longa duración. UGT apuntou que o "59% das persoas desempregadas en Galicia son mulleres", "as cifras falan por se mesmas, 64.594 homes fronte a 92.390 mulleres".

O número de mozos menores de 25 anos que perderon o seu emprego en setembro tamén aumenta un 7,51%, unha porcentaxe que evidencia que os traballos que conseguen son "temporais, estacionales e con pouca vixencia". Na actualidade existen 7.216 galegos menores de 25 anos sen emprego, un dato que en comparación co resto de franxas de idade, sofre unha caída maior de ata o 11,4%.

Por todo o anterior, os sindicatos piden ás diferentes institucións que tomen medidas para abordar a situación da Comunidade. En concreto, UGT demandou un "xiro urxente das políticas económicas e sociais" para marcar que o "obxectivo prioritario" das políticas de emprego sexa "o traballo de calidade". Neste sentido, CC.OO instou ao Goberno central e á Xunta a "exercer as súas competencias", que deben "quedar reflectidas" nos Orzamentos de 2020, "para que Galicia supere co menor custo posible a freada da actividade".