C's denuncia outro acto vandálico contra a súa sede en Santiago

"Estamos máis que nunca nun momento de unión e isto é un ataque de só uns poucos á democracia", di o seu secretario de Organización, Laureano Bermejo.

Por E.P. | SANTIAGO DE COMPOSTELA | 07/10/2019 | Actualizada ás 14:14

Comparte esta noticia

A sede de Cidadáns en Santiago de Compostela amenceu na mañá deste luns cun cristal roto, un acto vandálico que se suma ao sufrido no mesmo lugar a finais do pasado mes de abril. Diso informa a formación laranxa nun comunicado no que, a través do seu secretario de Organización, Laureano Bermejo, sinala que os feitos foron denunciados ante a Policía Nacional.

Bermejo lamenta o sucedido e lembra que o anterior episodio de danos na súa sede da capital de Galicia produciuse durante a campaña das eleccións xerais do mes de abril. "É unha pena ter que asistir de novo a un feito así, ser vítimas de actos vandálicos duns poucos que só demostra a falta de respecto e sentido da democracia que teñen algúns", sinalou o tamén edil de Cs en Santiago.

Así as cousas, apela a "seguir traballando con máis forza" en resposta aos que "queren calar" ao partido que lidera Albert Rivera. "Seguiremos traballando con máis ganas e sempre en favor da defensa dos dereitos e intereses de todos os cidadáns. Estamos máis que nunca nun momento de unión e isto é un ataque de só uns poucos á democracia", aseverou Bermejo.

Acto vandálico contra a sede de Cidadáns en Santiago de Compostela.  C
Acto vandálico contra a sede de Cidadáns en Santiago de Compostela. C | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta