Buscan unha octoxenaria con posible demencia desaparecida en Monterrei

A Garda Civil busca desde a noite deste martes día 8 a unha octoxenaria veciña do municipio de Monterrei (Ourense) con posible demencia senil ou perda de memoria.

Así o indicaron fontes do Instituto Armado, que concretaron que buscan desde as 23,00 horas deste martes a Pilar Novoa Gómez, de 85 anos de idade e veciña da parroquia de San Cristovo.

O seu fillo, indicaron as mesmas fontes, denunciou que desde as 20,00 horas deste martes día 8 falta a súa nai, que pastoreaba ovellas nunha leira próxima ao seu domicilio.

Castelo de Monterrei