A empresa que xestiona Nostián retira case un 70% de residuos almacenados na planta de lixos

A empresa que xestiona a planta de tratamento de residuos de Nostián retirou entre un 65 e un 70% dos residuos almacenados na instalación, segundo informa a Concellaría de Medio Ambiente do Concello coruñés.

En concreto, a Concellaría asegura que, de manterse o actual ritmo, os traballos de traslado concluirán antes da data establecida no plan de traballo municipal, que fixaba un prazo de catro meses para levar as case 12.000 toneladas ata a instalación das Pías, en Sobrado dos Monxes.

Por outra banda, precisa que xa se retiraron todos os residuos almacenados no exterior e que agora quedan por trasladar os residuos que se acumularon no interior da nave.

Lixo electrónico | Fonte: ecoportal