A compravenda de vivendas retrocede un 8,6% en agosto en Galicia, aínda que é a menor caída do Estado

A transmisión de leiras sobe case un 5% fronte á baixada estatal.

Por E.P. | SANTIAGO DE COMPOSTELA | 10/10/2019 | Actualizada ás 10:55

Comparte esta noticia

Galicia rexistrou 1.269 compravendas de vivendas en agosto, o que supón un retroceso do 8,6% respecto ao mesmo mes do ano anterior, segundo os datos que publica este xoves o Instituto Nacional de Estatística (INE).

Con todo, supón o menor descenso entre comunidades nun mes de descenso xeneralizado (-21,1%). É a cifra máis baixa en España nun mes de agosto desde 2015.

Das 1.269 operacións realizadas en agosto, só 58 foron de vivenda protexida e os 1.211 restantes, libre. Ademais, 979 eran de segunda man e 290 vivenda nova.

O pasado mes de agosto o maior número de compravendas de vivendas por cada 100.000 habitantes deuse en Comunidade Valenciana (136), Andalucía (110) e Baleares (109). Galicia ten o segundo rexistro (58), só por encima de Estremadura (48).

Andalucía foi a rexión que máis operacións sobre vivendas realizou no oitavo mes do ano, con 7.278 compravendas, seguida de Cataluña (5.921), Comunidade Valenciana (5.365) e Madrid (4.899).

Todas as comunidades reduciron as súas compravendas de vivendas en agosto. Os maiores retrocesos interanuais rexistráronse en Estremadura (-42,7%), Canarias (-41,2%) e Navarra (-39,4%).

SOBE A TRASNMISIÓN DE LEIRAS

En canto ás transmisións de leiras, en agosto producíronse en Galicia un total de 8.121 operacións, un 4,6% máis que no oitavo mes de 2018, o que contrasta coa media estatal (-5,1%). O cociente por cada 100.000 habitantes foi neste período de 371.

Delas, 2.119 foron transmisións en leiras rústicas (997 por herdanza, 568 por compravenda, 32 mediante doazón, 37 por permuta e 485 operacións doutra clase) e 6.002 urbanas (das que 3.236 foron vivendas, 201 solares e 2.565 doutro tipo).

As leiras urbanas transmitíronse a través de 2.453 compravendas, 1.255 herdanzas, 67 doazóns, 10 permutas e 2.217 operacións distintas.

En canto ás vivendas en concreto, con 3.236 transmitidas, correspondéronse coas 1.269 compravendas, 751 herdanzas, 40 doazóns, catro permutas e 1.172 operacións no apartado doutros.

Compravenda de vivendas en Galicia en agosto de 2019. EPDATA
Compravenda de vivendas en Galicia en agosto de 2019. EPDATA | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta