Por E.P. | As Pontes | 10/10/2019 | Actualizada ás 18:52
Os traballadores da empresa Einsa Print do centro de traballo situado no polígono de Penapurreira, nas Pontes de García Rodríguez, han desenvolveron durante este xoves a segunda das concentracións que convocaran entre os operarios desta compañía, dedicada ao sector das artes gráficas a gran escala.
As protestas foron organizadas para reclamar da dirección da empresa melloras salariais e sociais, asegurando desde o comité de empresa que levan doce anos cos soldos conxelados, ademais de solicitar algunhas melloras sociais, sobre todo á hora de poder dispor dalgún día de libre disposición por causas xustificadas, como o acompañamento dun familiar directo por enfermidade.
Esta foi a segunda concentración realizado nos últimos días tras a secundada o pasado luns, 7 de outubro, sen que se produciu avance algún na negociación entre a parte social e patronal.
APOIO Á FOLGA XERAL
Por outra banda, o comité de empresa propuxo aos traballadores a suspensión das mobilizacións previstas para a próxima semana e secundar a convocatoria de folga xeral prevista para o vindeiro mércores, día 16, nas Pontes, para demandar solucións na central térmica de Endesa.
Tamén se convidou "" a todos os empregados de Einsa a desprazarse a Madrid, xa que aseguran que "o problema da térmica afecta a todos". Finalmente, a protesta convocada na capital do Estado non será ante a sede da Embaixada de Italia en España, tal e como estaba previsto, senón que será a partir das 16.00 horas ante o Congreso dos Deputados.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.