O Día da Galiza Combatente, lembrando aos independentistas que morreron loitando contra o narcotráfico
Este venres lembrouse a Lola e José, independentistas que morreron cando loitaban contra os “interesses do narcotráfico”.
Por Galicia Confidencial | Compostela | 12/10/2019 | Actualizada ás 12:00
En 2001 o independentismo galego comezou a conmemorar o Día da Galiza Combatente. Unha data marcada o 11 de outubro, para lembrar a Lola Castro e José Vilar, dous independentistas pertencentes ao EGPGC (Exército Guerrilheiro do Povo Galego Ceive) que morreron en 1990 mentres manipulaban artefactos explosivos que ían colocar contra os intereses dos narcotraficantes.
A MpI (Mocidade pola Independência) quixo conmemorar ese día cun vídeo no que denuncian “que hoje, igual que acontecia em 1990, o consumo de drogas é um dos principais problemas da juventude galega. Polo tanto, o narcotráfico continua a ser um dos principais inimigos da mocidade independentista. O narcotráfico é um aliado do Estado espanhol e do capitalismo, sedando à mocidade e anulando a sua combatividade”.
Ademais, esta organización pide a “imediata posta em liberdade” dos presos e presas independentistas galegos “sequestradas polo Estado espanhol polo seu compromisso coa luita pola libertaçom nacional e social da Galiza”.
