Extinguidos os incendios de Chandrexa de Queixa e do Parque Nacional do Xurés tras arder máis de 50 hectáreas

A chuvia desta noite axudou nas tarefas de extinción.

Por Europa Press / Redacción | OURENSE | 13/10/2019 | Actualizada ás 10:59

Comparte esta noticia

A Consellería do Medio Rural informou da extinción dos dous incendios forestais que calcinaron un total de 53 hectáreas nos municipios ourensáns de Chandrexa de Queixa e Muíños. En concreto, este último afectaba o Parque Nacional do Xurés.

De acordo coa información da Xunta, o máis grande iniciábase o venres ao redor das 16,00 horas na parroquia de Requeixo e quedou apagado ao redor das 9,43 horas do domingo. Segundo as últimas estimacións, queimou unhas 50 hectáreas de monte raso.

Na extinción das chamas participaron cinco axentes, 31 brigadas, catro motobombas, tres pas, 13 helicópteros e tres avións.

En canto ao do Parque Nacional do Xurés, que tivo varios focos simultáneos en Galicia e Portugal, comezaba ás 16,00 deste sábado e foi extinguido á as 20,37 do mesmo día.

As últimas medicións apuntan a tres hectáreas de terreo queimado, das cales 2,5 foron de monte raso e o resto arborado. Na extinción das chamas participaron, por parte dos medios galegos, dous axentes, oito brigadas, dúas motobombas, dous helicópteros e dous avións.

Helicóptero apagando o incedio no Xurés
Helicóptero apagando o incedio no Xurés | Fonte: Brif Laza Twitter

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta