O emprego, as pensións, o cambio climático e a derrogación da LOMCE: os alicerces do programa socialista

Por E.P. | SANTIAGO DE COMPOSTELA | 13/10/2019 | Actualizada ás 16:34

Comparte esta noticia

A portavoz do Goberno en funcións e ministra de Educación e Formación Profesional, Isabel Celaá, destacou o "emprego digno", a "garantía das pensións", o cambio climático e a derrogación da lei de educación Lomce como os alicerces nos que se fundamenta o programa co que PSOE chega ás eleccións do 10 de novembro.

Nun mitin de pre-campaña dos socialistas este domingo en Ourense, a ministra subliñou a súa competencia, a educación, como a base que "permite falar de todo o demais". Por esta razón, os esforzos dos socialistas prestarán atención a este campo que "é a avenida das oportunidades" para o conxunto do Estado.

Ao seu xuízo, a Lomce constitúe "unha carreira de obstáculos" para os estudantes, no canto dunha ferramenta que "abra as portas" aos máis novos para situarse ao nivel da media europea. Destacou a necesidade de "potenciar a formación profesional", unha alternativa aos estudos posobrigatorios que se está consolidando como "unha carreira de prestixio". Así mesmo, como ministra, o seu obxectivo é que todos os españois alcancen, polo menos, o título de educación secundaria obrigatoria (ESO).

A idea é que "os mozos aprendan a aprender", que o talento chegue a desenvolverse desde a primeira etapa da infancia, a inserción laboral dos titulados e a implementación da dixitalización a todos os niveis educativos.

EMPREGO, PENSIÓNS E OUTROS ASUNTOS

Ademais de pór en valor a materia que lle compete, Celaá sinalou os asuntos que máis preocupan ao seu partido, como son "o emprego digno", a necesidade de "reverter os aspectos lesivos da reforma laboral" e a subida do salario mínimo interprofesional "á media europea".

A ministra Portavoz, e de Educación e Formación Profesional en funcións, Isabel Celaá, comparece ante os medios de comunicación tras a reunión do Consello de Ministros en Moncloa
A ministra Portavoz, e de Educación e Formación Profesional en funcións, Isabel Celaá, comparece ante os medios de comunicación tras a reunión do Consello de Ministros en Moncloa | Fonte: Óscar Cañas - Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta