Por E.P. | SANTIAGO DE COMPOSTELA | 14/10/2019 | Actualizada ás 14:57
O delegado do Goberno en Galicia, Javier Losada, indicou este luns que, dos 41.538 vehículos controlados na Comunidade na última campaña sobre uso do cinto, menos do 1% infrinxían a normativa.
En concreto, no transcurso da campaña, que se realizou entre o 30 de setembro e o 6 de outubro, detectouse a 412 persoas que incumprían a normativa de uso do cinto, o que supón un 0,99% do total.
En canto aos sistemas de retención infantil, controlouse a 1.541 vehículos con menores, nos que se detectou que non se usaban os sistemas de retención infantís adecuadamente en 25 casos (o 1,6% do total).
Por provincias, a que máis controis tivo foi Ourense, con 13.151 vehículos e 116 denuncias; seguida pola Coruña, con 12.434 e 80 denuncias; Lugo, con 10.914 e 137; e Pontevedra, con 5.039 vehículos controlados e 79 denuncias.
Polo tipo de vehículo, un 88,2% dos controis corresponderon a turismos (36.631), que, por tanto, acumulan o maior número de denuncias, con 339. Séguenlle os vehículos de transporte de mercadorías, con 3.185 vehículos controlados e 64 denuncias. Tamén se controlaron 1.722 vehículos de transporte público, que sumaron 9 denuncias.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.