Salvamento Marítimo procede ao rescate dun barco irlandés coa vea rota
O Centro de Salvamento de Fisterra procedeu a coordinar o operativo, no marco do cal enviou na noite do martes un helicóptero.
Por E.P. | SANTIAGO DE COMPOSTELA | 16/10/2019 | Actualizada ás 16:02
O remolcado de Salvamento Marítimo 'María Pita' procedeu a asistir ao veleiro irlandés 'Escapade', que ten unha vela rota, e trasládao ata A Coruña. Segundo informaron fontes de Salvamento Marítimo, ás 14,45 horas deste mércores a 'María Pita' fixo firme o remolque e puxo rumbo cara á Coruña. As mesmas fontes destacaron que "continúa o mal tempo" na zona onde se atopan o veleiro e o remolcador, que teñen prevista a súa chegada sobre as 22,00 horas á Coruña.
O catro tripulantes irlandeses permanecen a bordo do veleiro e atópanse "todos ben", destacaron as mesmas fontes. O 'Escapade', de 13 metros de eslora, solicitou ás 22,10 horas deste martes asistencia porque se quedou sen vela e navegaba a motor cando estaba a 56 millas ao noroeste de Cabo Prior.
O Centro de Salvamento de Fisterra procedeu a coordinar o operativo, no marco do cal enviou na noite do martes un helicóptero, pero debido ás condicións meteorolóxicas adversas e ao "non haber risco" para o veleiro, ao seguir a marcha a motor, non se realizou a evacuación da tripulación, explicaron as mesmas fontes.
