A Xunta de Goberno de Santiago aprobará este venres as ordenanzas fiscais
Sánchez Bugallo explicou que se o consistorio decidiu levar as ordenanzas a Xunta de Goberno é porque confía en que "van saír adiante no pleno".
- Bugallo saúda o "xiro ao centro" do PP e pide que "deixe gobernar se non ten unha alternativa"
- "Achegamento importante" entre PSOE e Compostela Aberta para sacar adiante as ordenanzas fiscais
Por E.P. | SANTIAGO DE COMPOSTELA | 17/10/2019 | Actualizada ás 15:06
A Xunta de Goberno do Concello de Santiago aprobará este venres, nunha sesión extraordinaria, as ordenanzas fiscais municipais, aínda que o alcalde, Sánchez Bugallo, non confirmou que exista un acordo xa pechado cos grupos para sacalas adiante.
"Iremos vendo como se desenvolven as cousas", dixo o rexedor tras ser preguntado polos medios de comunicación acerca de se existe un acordo pechado co grupo de Compostela Aberta nesta materia, apuntando que se fixeron " contactos" e que "se farán no que queda de día". "Vivimos unha etapa complicada para todos", resolveu.
No entanto, Sánchez Bugallo explicou que se o consistorio decidiu levar as ordenanzas a Xunta de Goberno é porque confía en que "van saír adiante no pleno".
O calendario do goberno local pasa por aprobalas este venres e, tras cinco días hábiles, sometelas a ditame da Comisión Informativa de Facenda. A continuación, dous días hábiles despois, irán a pleno extraordinario.
