Morre unha muller ao caer nun pozo na Laracha

Unha muller faleceu na tarde deste xoves despois de caer ao interior dun pozo no termo municipal coruñés da Laracha.

Os Bombeiros de Bergantiños recuperaron do interior do pozo o corpo sen vida da muller no lugar do Feal, sobre as 15.30 horas. A pesar dos esforzos por salvarlle a vida, os servizos sanitarios só puideron confirmar o seu falecemento.

Un particular alertara ao 112 Galicia do sucedido, que á súa vez solicitou á intervención do Servizo de Prevención, Extinción de Incendios e Salvamento de Bergantiños, Policía Local, a Garda Civil e Protección Civil da Laracha.