A xira mundial de Lenny Kravitz pasará pola Coruña en xullo
Por Europa Press / Redacción | A Coruña | 22/10/2019 | Actualizada ás 14:30
Lenny Kravitz anuncia nova xira mundial con parada no Coliseum da Coruña o próximo 26 de xullo de 2020 para presentar o seu novo álbum, 'Raise vibration'.
As entradas poranse á venda xeral o mércores 30 de outubro ás 10:00 horas a través de Livenation.es, Ticketmaster, O Corte Inglés e Ticketea. Antes, haberá unha preventa en Livenation.es desde as 10:00 horas do luns 28 de outubro.
Coñecido polas súas enérxicas actuacións, "este espectáculo promete manter o seu legado en directo unha vez máis", subliñan nun comunicado, que engade que "Lenny Kravitz eleva a unión do rock'n'roll, funk, blues e o soul unha vez máis no seu undécimo álbum".
Ademais, o músico estadounidense actuará tamén no Marenostrum Castle Park de Fuengirola (Málaga) o 23 de xullo, con entradas xa á venda en clicktaquilla.com.
