Por E.P. | SANTIAGO DE COMPOSTELA | 23/10/2019 | Actualizada ás 17:31
A directora do Centro de Inclusión Social Grabriel Vázquez Seijas, Irene Rivera, pertencente a Cáritas Diocesanas de Mondoñedo-Ferrol, asegurou que "a situación das persoas sen fogar non esta mellorando, co aumento a diario do número de homes e mulleres que acoden" ao seu centro.
Segundo explicou, en anos anteriores a medida diaria de persoas atendidas situábase ao redor das 50, cando neste mes de outubro hai unha "media de 75". Así, estimou que estes datos son debidos a que "moitas persoas se desprazan a Ferrol motivadas polos tempos de estancia no albergue, superiores a outros da comunidade ", en alusión ao Albergue Pardo de Atín, que xestiona a Fundación Santo Hospital de Caridade no barrio de Caranza, "polos baixos prezos de aluguer e para incorporarse ao mercado laboral". Pero asegurou Rivera que "a realidade é outra, pola pouca dispoñibilidade de vivendas sociais e de aluguer, ademais de ser Ferrol a cidade galega cunha maior taxa de desemprego".
Estas manifestacións realizounas Irene Rivera durante a presentación da campaña de sensibilización das persoas sen fogar, que cada por estas datas pon en marcha a OGN vinculada coa Igrexa católica, baixo a lema 'Ponlle Cara', e na que estivo acompañada de José María Pérez Martínez, vogal de Comunicación e Sensibilización de Cáritas Diocesana Mondoñedo-Ferrol.
MULLERES E EMIGRANTES
A directora do Centro de Inclusión Grabriel Vázquez Seijas asegurou que "nos últimos anos tamén" detectaron " que está a aumentar o número de mulleres que acoden" aos seus servizos, e é "aínda moito menor a porcentaxe con respecto ao número de homes".
Así mesmo, engadiu que "persoas inmigrantes, que acoden a Cáritas en situación irregular, recentemente chegados de países como Colombia ou Venezuela, e que teñen dificultades para acceder aos servizos públicos, ao carecer de empadroamento, e de toda unha serie de requisitos que dificultan que poidan ter as súas necesidades cubertas".
Entre os servizos que ofrece Cáritas a estas persoas está o programa 'Dentro-fora', que conta con catro pisos de Tránsito a Vida Autónoma (TVA), situados todos eles no municipio de Narón (A Coruña) e que contan coa autorización da Xunta.
ACTOS
Entre os actos para dar visibilidade ás persoas sen fogar, desde Cáritas teñen previsto desenvolver este xoves, 24 de outubro, de 11,30 a 12,30 horas, un paseo por varias rúas de Ferrol, coa lectura do manifesto, no Cantón de Molins, onde chegarase tras partir do Centro de Inclusión Social Gabriel Vázquez Seijas, e interpretarase un tema de Rap a cargo de alumnos de 4º de ESO do Colexio Cristo Rei de Ferrol.
O venres, día 25, a partir das 20,15 horas, haberá un concerto na Concatedral de San Julián, a cargo da soprano Laura Alonso, mentres que o 29 de outubro organizarase unha Xornada de Inclusión Social, no salón de actos do edificio Social do Concello de Ferrol, coa colaboración da administración local.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.