Piden entre dous e catro anos de cadea para os membros dunha banda que roubaba xoias e diñeiro
Todos eles foron detidos en Cerceda, onde lles foron incautadas numerosas ferramentas e obxectos destinados ás subtraccións, así como 1.400 euros en efectivo.
Por E.P. | SANTIAGO DE COMPOSTELA | 26/10/2019 | Actualizada ás 13:19
A Audiencia Provincial de Pontevedra acollerá este martes, día 29 de outubro, un xuízo contra catro homes, tres deles sen persmiso de residencia en España, que enfrontan entre dous e catro anos de cárcere por pertencer a unha organización criminal e efectuar roubos con forza en vivendas da cidade de Pontevedra entre marzo e xullo de 2018.
En concreto, mentres Fiscalía reclama catro anos de prisión para tres do procesados --I.G., D.X. e T.B.-- por ser autores directos dos feitos, soamente pide dous anos para o único que conta coa residencia --N.Q.--, xa que está considerado cómplice por alugar unha vivenda en Cerceda que aloxaba á banda cando estaba en España.
Segundo o escrito do Ministerio Público, trátase dunha organización "con gran mobilidade xeográfica" que accedía aos domicilios "previo estudo" para subtraer diñeiro en efectivo e xoias. Para penetrar nas vivendas, os integrantes "violentaban as fechaduras" das portas.
Mentres tanto, o acusado N.Q., "plenamente sabedor das actividades dos seus compañeiros", e "dado que era o único" con residencia legal en España, alugara unha vivenda en Cerceda, facilitáballes algún vehículo para o desprazamento e mesmo os trasladou ao aeroporto para saír do país.
REPARACIÓN DO DANO
Todos eles foron detidos na vivenda en Cerceda, onde lles foron incautadas numerosas ferramentas e objetios destinados ás subtraccións, así como 1.400 euros en efectivo. Ademais, N.Q. compareceu no xulgado en decembro do 2018 para facer entrega de varias xoias que foran sustraidas. Deste xeito, para todos os procesados concorre a circunstancia atenuante de reparación do dano causado.
Por estes feitos, todos os acusados responderán por un delito de pertenza a organización criminal, polos que Fiscalía reclama un ano de cárcere a cada un. A isto súmase a petición doutros tres anos para I.G., D.X. e T.B., como autores directos dos roubos, e outro ano para N.Q. como cómplice.
Así mesmo, o Ministerio Público e o letrado da defensa "non se opoñen a que as penas de prisión sexan substituídas pola expulsión do territorio nacional". Así, I.G e D.X. poderían ser expulsados tras o cumprimento de dous anos de condena, mentres que a T.B. imporíaselle esta medida cando a sentenza sexa firme.
