Por Europa Press / Redacción | VIGO | 28/10/2019 | Actualizada ás 16:44
O presidente do Parlamento de Galicia, Miguel Ángel Santalices, lamentou este luns que no Parlamento catalán "non se lexisle" nin se "teñan en conta" as demandas dos cidadáns e que se "pisen por enriba" os informes dos servizos xurídicos.
Preguntado nun acto en Vigo pola situación en Cataluña, o presidente da Cámara galega asegurou que no Parlamento de Galicia "se lexisla, discútese e hai acordos", ao que engadiu que tamén se respectan as decisións dos letrados da cámara "porque levan polo camiño adecuado". "No noso Parlamento non hai matonería política, nin eu a ía consentir tampouco", reivindicou.
"No Parlamento catalán hai todo o contrario. Non se lexisla, non se teñen en conta as demandas da sociedade, písanse por enriba os informes dos servizos xurídicos... É máis, non só se pisan, césase aos xefes dos servizos xurídicos cunha clara intención de pasar por enriba do que eles advertiron", criticou Santalices en relación ás sentenzas do 'procés'.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.