Cortado un tramo da AP-9 por un accidente á altura de Santiago
No sinistro víronse implicados un camión e tres coches, sen que ningunha persoa resultase ferida.
- Dúas persoas feridas, entre elas unha embarazada, nun accidente de coche na Estrada
- Dúas persoas feridas, entre elas unha embarazada, nun accidente de coche na Estrada
Por E.P. | SANTIAGO DE COMPOSTELA | 29/10/2019 | Actualizada ás 11:25
Un carril da AP-9 en sentido A Coruña permanece cortado á altura de Santiago na mañá deste martes debido a un accidente. No sinistro víronse implicados un camión e tres coches, sen que ningunha persoa resultase ferida.
Segundo informan fontes da Dirección Xeral de Tráfico (DXT) a Europa Press, trátase dunha colisión por alcance que tivo lugar ás 9,00 horas no punto quilométrico 69, sentido A Coruña.
O Centro Integrado de Atención ás Emerxencias (CIAE) 112 indica que o aviso se recibiu de mans dun particular e que, seguidamente, se desprazaron ata o lugar a Garda Civil de Tráfico, a Policía Local e o persoal de mantemento da vía.
Segundo fontes de Urxencias Sanitarias-061, ao momento do accidente foron enviadas unha ambulancia medicalizada e outra asistencial, pero as persoas que viaxaban nos vehículos implicados pediron a alta voluntaria e non foron trasladadas.
