A Xunta non sabe aínda a procedencia dos alimentos que provocaron intoxicacións e alérxicas en colexios
O conselleiro de Sanidade di que se está investigando o caso pero chama á tranquilidade porque foi "unha intoxicación leve".
Por Europa Press / Redacción | SANTIAGO DE COMPOSTELA | 30/10/2019 | Actualizada ás 18:39
A Consellería de Sanidade segue o rastro dos alimentos servidos nos menús e que puideron provocar as reaccións alérxicas de polo menos 41 escolares leste mesmo luns, en varios comedores escolares de centros da zona de Marín e de Pontevedra.
Nunha entrevista na TVG, o titular de Sanidade, Jesús Vázquez, asegurou que o proceso está en marcha e que está aberta unha investigación para determinar a procedencia exacta dos alimentos, sobre todo da palometa que conformaba o prato de peixe retirado do menú e a causa probable dos casos de intoxicación.
En concreto, están a realizarse enquisas tanto aos centros, para saber o que comeron os alumnos, como coa a empresa concesionaria do servizo para coñecer "exactamente" a procedencia do peixe. A pesar diso, Vázquez Almuiña chamou á tranquilidade, dado que se tratou "dunha intoxicación leve" con síntomas que desapareceron "en pouco tempo", e que "puido haber unha rotura da cadea de frío" do alimento servido.
A Federación Provincial de Anpa de Centros Públicos de Pontevedra contabilizou, de momento, un mínimo de 41 afectados, todos eles con síntomas similares ás reaccións alérxicas que se rexistraron a pasada semana en varias escolas infantís debido a un menú de palometa. En ambos os casos a cociña estaba xestionada por unha empresa, aínda que se trata tanto de firmas diferentes como de provedores de peixe distintos.
Os afectados déronse en nove centros con comedores xestionados pola federación e en todos eles serviuse o mesmo prato e o mesmo lote de produto. Tratáronse de colexios de Infantil e Primaria e no momento no que os monitores se deron conta de que os alumnos mostraban os primeiros síntomas, como erupciones cutáneas ou malestar estomacal, decidiron retirar o prato por seguridade.
Fanpa tamén confirmou que a entidade decidiu encargar a súa propia investigación ao laboratorio encargado do control de calidade dos comedores escolares para realizar análises de mostras, estudo documental do lote e da rastrexabilidade do peixe.
