Por E.P. | MADRID | 31/10/2019 | Actualizada ás 18:10
O Consello de ministros aprobou un Real Decreto para paliar os danos causados por catástrofes desde o 1 de xaneiro de 2018 ata o 31 de marzo de 2019 en infraestructras municipais e na rede viaria de 249 municipios españois, entre eles Rianxo.
Así, o Real Decreto aprobado aplica as medidas previstas do Real Decreto Lei 2/2019, de 25 de xaneiro, para paliar danos causados en infraestruturas municipais e rede viaria por diversas situacións catastróficas.
No artigo 1.2 do mencionado Real Decreto-lei 2/2019 establece un réxime de axudas polos danos causados polos temporais de choivas torrenciais, neve, sarabia e vento, inundacións, desbordamentos de ríos e torrentes, pedrisco, fenómenos costeiros e tornados, así como incendios forestais ou outros feitos catastróficos acaecidos.
En total, desde o mes de xaneiro de 2018 ata marzo de 2019 houbo máis danos por temporais que os que cubría o citado Real Decreto e por iso, para incluír estas situacións non contempladas o Goberno aprobou este venres un novo Real Decreto para poder aplicar as medidas previstas no Real Decreto-lei a sucesos de características similares nas datas sinaladas.
Desde as delegacións do Goberno identificáronse danos por outros episodios en 249 municipios. En concreto, os afectados son 87 en Huesca, 65 en Zaragoza; 28 no Principado de Asturias; 48 en Cantabria; en Rianxo (A Coruña); en 19 municipios de Valencia e en Los Alcázares (Murcia).
Recibida a información sobre aqueles acontecementos de natureza catastrófica que requiriron pola súa intensidade a activación do plan de emerxencia autonómico correspondente, con incorporación de medios estatais, conclúese que presentaban características asimilables aos que foron incluídos nos acordos do Consello de Ministros de 7 de setembro, 19 de outubro e 2 de novembro de 2018, polos que se declararon distintas comunidades autónomas, provincias e municipios "zona afectada gravemente por unha emerxencia de protección civil".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.