Feridas seis persoas nas estradas galegas durante a tarde deste venres
Por E.P. | SANTIAGO DE COMPOSTELA | 01/11/2019 | Actualizada ás 20:19
A tarde deste venres deixou un total de seis persoas feridas en diferentes estradas da rede viaria galega. Dúas delas tiveron que ser excarceradas en Calvos de Randín (Ourense) e outras catro resultaron feridas "sen revestir gravidade".
O accidente de Ourense produciuse ás 17,20 horas, momento no que dous turismos chocaron á altura do cruzamento que vai cara a Portugal na localidade de Calvos de Randín. Segundo explicou o 112 Galicia, un particular alertou de que dúas persoas se atopaban atrapadas no interior dos turismos, "entre os ferros". Foron os Bombeiros de Xinzo e os GES de Muíños os que procederon coas tarefas de excarceración.
Ao lugar, tamén se desprazaron os servizos sanitarios nun helicóptero medicalizado, "debido á gravidade da situación". Con todo, os feridos foron trasladados finalmente en ambulancia. Ademais, os servizos de emerxencias puxeron os feitos en coñecemento da Garda Civil de Tráfico e de Protección Civil de Muíños e A Porqueira.
CATRO FERIDOS EN CUNTIS
Por outra banda, no concello pontevedrés de Cuntis rexistráronse outros dous accidentes que se saldaron con catro feridos, ningún deles "reviste gravidade", segundo confirmou o 112 Galicia.
O primeiro deles produciuse sobre as 17,15 horas polo choque entre dous turismos que
