Bescansa urxe políticas que "paren" a contaminación das rías galegas
Tamén reclamou unha "política diferente" que garanta que a "xente poida saír pescar cunhas cotas que se corresponden co que ten que pescar e co que pode pescar".
- Bescansa insiste en que a prioridade é "desbloquear" o goberno para "ofrecer solucións á xente"
- Carolina Bescansa reivindica Más País como "a voz do sentido común"
Por E.P. | SANTIAGO DE COMPOSTELA | 06/11/2019 | Actualizada ás 13:20
A 'número uno' de Más País ao Congreso dos Deputados pola Coruña, Carolina Bescansa, considerou necesaria a posta en marcha de "políticas urxentes" que "paren" os procesos de contaminación "dos ríos que conforman as rías galegas".
A que fora unha das fundadoras de Podemos pronunciouse deste xeito en declaracións aos medios tras reunirse este mércores cos membros da confraría de Portosín, en Porto do Son, A Coruña.
"Hoxe tiven a oportunidade de saír coa xente do mar a mariscar e ninguén mellor que eles coñece os problemas da ría e defenden a súa sustentabilidade", manifestou nunha xornada na que tamén participou en Noia nunha xornada sobre marisqueo.
Na súa intervención, a aspirante de Más País á Cámara baixa tamén reclamou unha "política diferente" que garanta que a "xente poida saír pescar cunhas cotas que se corresponden co que ten que pescar e co que pode pescar".
