Por Europa Press / Redacción | SANTIAGO DE COMPOSTELA | 09/11/2019 | Actualizada ás 14:08
A petición da Asociación Animalista Libera para prohibir o uso de mandas de cans na caza en Galicia suma un total de 198.896 firmas. O colectivo considera que utilizar cans para actividades cinexéticas xera "malas prácticas" entre os propios cazadores e fomenta "lances crueis" con animais silvestres.
Os animalistas destacan que, no caso da Comunidade galega, permítese o uso de mandas de ata 30 cans, o cal consideran que "multiplica, ademais do risco de ensañamento e a violencia, o impacto ambiental dos cans e o acoso a outras especies animais".
Doutra banda, a asociación pide unha "paralización inmediata" da proposta da Xunta para legalizar as modalidades de caza 'en man' e 'ao salto', por consideralas prácticas "perigosas para os propios cazadores, os animais e a cidadanía en xeral".
Libera quere seguir o camiño dun total de sete países europeos, como Dinamarca ou Luxemburgo, onde o uso de mandas non está permitido polo "seu impacto ambiental". Ademais, menciona países como Xenebra ou Costa Rica, que "xa prohibiron" toda actividade cinexética
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.