O PPdeG propón que os servizos de VTC se contraten con 15 minutos de antelación e por escrito

O Grupo Popular afirma que o fan co obxectivo de "avanzar na garantía dunha competencia leal" entre os servizos de taxi e VTC.

Por E.P. | SANTIAGO DE COMPOSTELA | 16/11/2019 | Actualizada ás 18:30

Comparte esta noticia

O Grupo Popular solicitou, a través dunha emenda presentada ao proxecto de lei de acompañamento aos orzamentos da Xunta para 2020, que os servizos de aluguer de vehículos con condutor (VTC) se realicen cunha antelación mínima de 15 minutos. Propoñen tamén que a contratación destes servizos se deba formalizar por papel ou soporte electrónico.

Esta emenda debaterase en Pleno o vindeiro luns e o Grupo Popular afirma que o fan co obxectivo de "avanzar na garantía dunha competencia leal" entre os servizos de taxi e VTC. Este último servizo xa necesitaba dunha contratación previa, coa proposta o PPdeG busca clarificar o tempo exacto.

Segundo o Grupo Popular, a antelación mínima de 15 minutos obedece aos requisitos de "proporcionalidade e racionalidade". O partido aclarou que seguen unha lóxica similar á aplicada por outras comunidades autónomas durante os últimos meses e que "escoitaron as organizacións asociativas máis representativas" do taxi e dos VTC.

O Grupo Popular propuxo tamén unha modificación da lei de transporte público de persoas en vehículos de turismo de Galicia, para que se faga unha formalización da contratación do servizo VTC, a través de soporte papel ou electrónico. Neste documento deixaríase constancia do tempo transcorrido entre que se pide o servizo e a súa prestación, para asegurar con canta antelación se realiza.

Protesta de taxistas polo borrador da Xunta sobre os VTC. Jesús Prieto - Europa Press - Arquivo
Protesta de taxistas polo borrador da Xunta sobre os VTC. Jesús Prieto - Europa Press - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta