O número de taxis descende un 2,16% en 2019 en Galicia
Agora o seu número é de 3.855.
Por E.P. | SANTIAGO DE COMPOSTELA | 19/11/2019 | Actualizada ás 14:30
O número de taxis dispoñibles en Galicia a 31 de xullo de 2019 era de 3.855, cifra que supón un descenso do 2,16% respecto de 2018 e a 2017, anos en que permanecera sen variación.
Así se desprende da estatística de taxi que publica este martes o Instituto Nacional de Estatística (INE), unha investigación exhaustiva en colaboración cos concellos desde 1994.
Por provincias, os 3.855 taxis galegos distribúense entre os 1.589 da da Coruña, 1.324 en Pontevedra, 580 en Lugo e 362 en Ourense. Deles, a maior parte (2.587) teñen taxímetro e 1.268 son sen taxímetro.
Estes números reflicten unha caída aínda maior, do 3,12%, se a comparación se a comparación se fai con 2016, cando había 3.979 taxis. En 2015, pola súa banda, o total superaba a barreira dos 4.000 (4.060).
