Endesa recibe a representantes dos operarios das auxiliares que temen perder os seus postos

Responsables da dirección de Endesa nas Pontes de García Rodríguez recibirán este xoves, 21 de novembro, a partir das 12,00 horas, aos representantes sindicais dos traballadores das compañías auxiliares que desenvolven o seu traballo nestas instalacións industriais.

Así o asegurou Alberte Amado, integrante de CIG-Industria, en declaracións a Europa Press, durante a concentración que protagonizou este colectivo na rotonda da Vilabella, por terceira semana consecutiva. A acción congregou a uns 200 traballadores.

Todos eles seguen reclamado "unha garantía de emprego", tal e como volveron a mostrar moitos deles nunhas camisetas que portaron por segunda semana.

E é que este colectivo só ten asegurado o seu traballo ata o 31 de decembro, segundo se comprometeu a dirección da empresa eléctrica, polo que están expectantes con respecto ao que lles pode comunicar nas próximas horas a compañía que lles dá ocupación.

A concentración desenvolveuse durante unha hora --de 14,30 a 15,30 horas-- na rotonda da Vilavella, por onde se accede ao recinto enerxético.

MOBILIZACIÓN

Nesta concentración tamén se instou a este colectivo a que participe na mobilización convocada para este xoves, desde as 20,00 horas, que foi suspendida a semana pasada polo temporal do vento e choiva que azoutou a zona.

Trátase dunha iniciativa do comité de crise creado nas Pontes, integrado por partidos políticos, sindicatos, transportistas, empresarios e comerciantes, e consistente nunha nova concentración na praza da Carmen.

Ademais, instan a toda a cidadanía a realizar durante unha hora --de 20,00 a 21,00 horas-- un apagamento xeral no municipio. Así mesmo, os organizadores chaman a presentarse na mobilización con velas.

Endesa recibe aos representantes das auxiilares que temen polos seus postos. REMITIDA | Fonte: Europa Press