Esquerda Unida avisa ao PSOE que a moción de censura en Mugardos "vai en contra" de configurar unha alternativa a Feijóo
Piden aos socialistas que retirne a moción e depuren responsabilidades cos seus concelleiros.
Por E.P. | SANTIAGO DE COMPOSTELA | 25/11/2019 | Actualizada ás 20:30
Esquerda Unida, formación política á que pertence a alcadesa de Mugardos, Pilar Díaz, avisou ao PSdeG de que a moción presentada neste municipio coruñés entre os edís populares e socialistas "vai en contra" do que s"e configura" no Estado co goberno de coalición e coa articulación dunha "alternativa" a Alberto Núñez Feijóo de cara ás eleccións autonómicas do próximo ano.
A dirección da federación galega de EU reclama ao PSdeG que retire o seu apoio á moción de censura e "exerza as accións oportunas co fin de determinar as responsabilidades políticas e orgánicas" dos seus edís no concello da comarca de Ferrolterra.
Así, tras expresar o seu apoio á alcaldesa Pilar Díaz e o seu grupo na corporación local, Esquerda Unida considera que esta moción de censura "é dunha gravidade extrema" e "vai en contra do que se configura no Estado e da alternativa a Feijóo nas autonómicas".
"Que os socialistas asinen unha moción co PP é un un grave retroceso que nin soluciona a vida dos mugardeses nin coloca ás forzas progresistas nun escenario político propicio para as tarefas futuras", remarca a organización que encabeza a deputada autonómica Eva Solla.
