O grupo de Florentino Pérez vende o 74% das súas autovías, entre elas a de Santiago-Brión
Presentan un valor conxunto de 950 millóns de euros, segundo informa a compañía.
- Un proxecto eólico de capital saudí vinculado ao xenro de Florentino Pérez ameaza a serra do Galiñeiro
- A Xunta, "preocupada" pola posible implantación do pago en autovías
Por Europa Press / Redacción | SANTIAGO DE COMPOSTELA | 26/11/2019 | Actualizada ás 18:37
ACS, a través da súa filial de concesións Iridium, vendeu ao fondo de investimento en infraestruturas Hermes o 74% do capital dos seis tramos de autovía de 'peaxe en sombra' que ten en concesión en España, que presentan un valor conxunto de 950 millóns de euros, segundo informa a compañía.
A carteira de activos vendidos inclúe dúas autovías en Cataluña (Eix Diagonal e Reus-Alcover), unha en Castela a Mancha (Autovía da Mancha), outra en Castela e León (Autovía dos Piñeirais), unha máis en Navarra (Autovía do Pirineo) e unha sexta en Galicia (AG-56 Santiago-Brión).
O grupo que preside Florentino Pérez obterá unha plusvalía de 40 millóns de euros coa operación, que ademais lle permitirá manter o 26% restante do capital e seguir xestionando os activos.
