Leiceaga despídese da Cámara galega
"Non é só a miña última xunta de portavoces, senón tamén a 'derradeira'", chanceou o socialista.
Por E.P. | SANTIAGO DE COMPOSTELA | 26/11/2019 | Actualizada ás 18:41
O que fora candidato do PSdeG á Presidencia da Xunta nas autonómicas de 2016, Xoaquín Fernández Leiceaga, despediuse este martes da Cámara galega tras asistir á xunta de portavoces que supuxo o fin da súa segunda etapa como deputado no Pazo do Hórreo.
Na rolda de prensa posterior á xunta de portavoces, Leiceaga recoñeceu que a deste martes foi a súa última tarefa como portavoz dos socialistas na Cámara antes de abandonala para representar a Galicia na próxima lexislatura da Cámara Alta como senador por designación autonómica.
Tras recibir o recoñecemento dos portavoces parlamentarios e a Presidencia da Cámara durante o pasado pleno, no que foi electo como senador, Leiceaga entregou a súa acta de deputado, que asumirá na sesión prevista para a próxima semana Encarna Liñeiro Pouso.
"Non é só a miña última xunta de portavoces, senón tamén a 'derradeira'", chanceou Leiceaga.
Cuestionado sobre a reconfiguración do Grupo Parlamentario, Fernández Leiceaga sinalou que esa tarefa corresponde ao novo portavoz "cando estea desginado ou elixido".
