Por E.P. | SANTIAGO DE COMPOSTELA | 02/12/2019 | Actualizada ás 18:34
O vicepresidente da Xunta, Alfondo Rueda, e o fiscal superior de Galicia, Fernando Suances, abordaron o estado e funcionamento das oficinas de atención ás vítimas, reforzadas recentemente coa incorporación de traballadores sociais.
En concreto, estes profesionais sumáronse aos psicólogos e funcionarios da Administración de Xustiza que xa traballaban neste servizo, conforme lembrou a Administración autonómica nun comunicado.
Na reunión da Comisión mixta mantida este luns, o vicepresidente da Xunta e o fiscal superior de Galicia estudaron asuntos como as súas funcións e vantaxes. "Esta é unha vía de diálogo aberta de forma permanente entre os axentes implicados no funcionamento destes recursos para ir acometendo, se é necesario, as melloras necesarias para que as oficinas de atención a vítimas alcancen un rendemento óptimo", indicou a Xunta.
FISCALÍA DIXITAL
No encontro, a Xunta e a Fiscalía tamén abordaron a implantación da Fiscalía Dixital, que promove a utilización das canles electrónicas na relación do ministerio público cos órganos xudiciais e incorpora, ademais, o uso da firma electrónica.
A Administración autonómica explicou que, actualmente, o sistema está dispoñible en todas as provincias e fiscalías galegas, que o están habilitando de forma progresiva segundo as súas necesidades organizativas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.