Un mapa identifica máis de 2.000 recursos enogastronómicos galegos

A Xunta pon en marcha o denominado 'Mapa de valor da enogastronomía de Galicia', un documento que identifica máis de 2.000 recursos na comunidade galega.

É, segundo explica a Consellería de Turismo, unha das medidas que inclúe a estratexia 'Galicia Sabe' para potenciar Galicia como destino enogastronómico "de primeiro nivel".

Foi presentado polo conselleiro, Román Rodríguez, xunto coa directora da Axencia Turismo de Galicia. Segundo Rodríguez, este proxecto permitirá detectar e priorizar destinos cun "alto valor enogastronómico", pór en marcha novos produtos turísticos a medio e longo prazo e coñecer "mellor" os recursos galegos para "optimizar" o traballo neste sector.