Exmariñeiros galegos esixen as súas pensións ante o consulado noruegués na Coruña

A asociación Long Hope está á espera da resolución xudicial da causa celebrada en Oslo nos días 4 e 5 de abril deste ano, coa que demandan que se recoñezan as prestacións derivadas dos seus períodos de cotización.

Por Europa Press / Redacción | A CORUÑA | 07/12/2019 | Actualizada ás 14:43

Comparte esta noticia

Exmariñeiros galegos que reclaman as súas pensións a Noruega agrupados na plataforma 'Long Hope' concentráronse unha vez máis este sábado, neste caso na Coruña, ante o consulado noruegués, para reclamar ao país nórdico as súas prestacións após traballar alí durante anos sen recibilas.

Manifestación da Asociación de ex-mariñeiros de Noruegos 'Long Hope'. Manifestación de exmariñeiros mercantes en Noruega/Long Hope Manifestación de exmariñeiros mercantes en Noruega/Long Hope
Manifestación da Asociación de ex-mariñeiros de Noruegos 'Long Hope'. Manifestación de exmariñeiros mercantes en Noruega/Long Hope Manifestación de exmariñeiros mercantes en Noruega/Long Hope

A asociación de exmariñeiros Long Hope está á espera da resolución xudicial da causa celebrada en Oslo (Noruega) nos días 4 e 5 de abril deste ano, coa que demandan que se recoñezan as prestacións derivadas dos seus períodos de cotización.

Doutra banda, a organización está pendente da aprobación a trámite da demanda contra o país nórdico ante o Tribunal Supremo dos Dereitos Humanos, ao que decidiron recorrer o pasado mes após esgotar a vía interna xudicial en Noruega.

En declaracións a Europa Press, o portavoz da asociación, Alberto Paz, destacou que nesta mobilización aproveitaron para sumarse con outros 10 países nos que houbo protestas en contra da lei de protección de menores norueguesa, ante a que este colectivo mostra o seu desacordo.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta