A frota de Cambados recolle 1.500 quilos de residuos mariños, cun 77% de plásticos

A frota da confraría de pescadores de Cambados recolleu 1.500 quilos de residuos mariños, os 75% produtos plásticos, durante a campaña de limpeza realizada entre o 2 e o 5 de decembro no marco do proxecto europeo 'CleanAtlantic'.

A acción foi organizada polo Centro Tecnolóxio do Mar-Fundación Tecmar e nela participaron un total de 27 embarcacións da frota de rastro de vieira da confraría cambadesa que faena na xona de Ou Canle, situada na parte interna da ría de Arousa entre Cambados, A Illa e O Grove.

Segundo informa a Consellería do Mar, un 77 por cento dos máis de 1.500 quilos recolleitos foron residuos plásticos --1.160 quilos--. O resto de lixo eran elementos de goma (6%), metais (4%), produtos orgánicos como madeira procesada ou papel (2,6%), vidro (0,25%) e mesturas de materiais diversos (9,9%).

Os resultados dos residuos colleitados coinciden cos da acción anterior, desenvolvida entre o 4 e o 7 de novembro entre Vilanova, A Illa e a zona norte da ría de Arousa. Entón, os barcos participantes recuperaron 3.000 quilos de residuos. O obxectivo destas actividades, ademais de reducir o seu impacto no medio mariño, é "coñecer con maior detalle as mellores condicións operativas para a recolección de residuos, a súa orixe e as cantidades", para así deseñar medidas para diminuír o lixo que chega ao mar.

Cabaliño de mar na ría de Arousa | Fonte: Pedro Alonso.