Por Europa Press / Redacción | SANTIAGO DE COMPOSTELA | 11/12/2019 | Actualizada ás 10:09
Dous menores de idade resultaron feridos en senllos atropelos rexistrados na mañá deste mércores, día 11, nas cidades de Vigo e Santiago de Compostela.
Segundo informou o 112 Galicia, o primeiro deles sucedeu uns minutos antes das 8,00 horas deste mércores na Avenida de Alcalde Portanet, en Vigo, no que unha menor resultou ferida ao ser alcanzada por un vehículo.
Pola súa banda, en Santiago de Compostela un neno necesitou asistencia médica despois de ser atropelado na Avenida de Castelao sobre as 8,10 horas deste mércores. En concreto, o 061 enviou unha ambulancia de soporte vital básico que trasladou ao Hospital Clínico de Santiago ao menor ferido, confirmaron fontes sanitarias.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.