Baltar segue desafiando a Feijóo tras a decisión de pechar o paridoiro de Verín

Reuniuse co xefe de Xinecoloxía do Hospital de Verín e ratificoulle o seu apoio fronte ao peche do paritorio.

Por Europa Press / Redacción | OURENSE | 11/12/2019 | Actualizada ás 20:40

Comparte esta noticia

O presidente da Deputación de Ourense e do PP provincial, Manuel Baltar, mantivo este martes unha reunión co xefe de servizo de XinecoloXía do Hospital de Verín, Javier Castrillo, a quen ratificou o seu apoio na loita contra o peche do paritorio do centro sanitario comarcal.

Así o confirmou a Europa Press o propio Castrillo, quen agradeceu o respaldo de Baltar e tamén de "todos os alcaldes da zona", incluídos os do PPdeG. "Reuninme onte con el, está en contra e pediu que non se peche o paridoiro, o que lle agradecemos", indicou o xefe de servizo do hospital comarcal verinés.

Baltar pedira publicamente "unha rectificación" á Xunta e o PP ourensán, xunto con Cs e Democracia Ourensá, presentou unha moción na Deputación en defensa dos servizos do hospital de Verín e, especificamente, do paridoiro.

A pesar da demanda de Baltar e dos alcaldes da zona, o presidente da Xunta, Alberto Núñez Feijóo mantivo que a decisión estaba pechada e que non tería marcha atrás, posto que estaba xustificada por criterios técnicos de "seguridade" e ante a "imposibilidade" de garantir a atención pediátrica.

Á espera dalgún novo paso do Sergas, hai previstas mobilizacións e mesmo unha concentración ante o Parlamento de Galicia o vindeiro martes día 17.

Baltar e Feijóo saúdanse nun acto
Baltar e Feijóo saúdanse nun acto | Fonte: depourense.es

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 2 comentarios

2 El Ciz

O teatro debe de financiarse, a cultura a sanidade o ensino. Esta noticia e reflexo do confusionismo calculado para non facer o sinalado no primeiro paragrafo.

1 Turipi

Haber si entendemos de unha vez que un se debe os votantes non o aparato nin o partido. E non é santo da miña devoción.