(Vídeo) Que pensan os 'millennials' sobre o cambio climático?
As novas xeracións son as que máis concienciadas demostran estar sobre a crise do clima. Crearon os "fridays for future" a modo de protesta internacional.
- Endesa evita defender aos traballadores da planta das Pontes
- En Marea pide que se declare Galicia como país en risco de emerxencia climática
- Galicia súmase á marcha polo clima a través de máis de 80 colectivos e ONG
Por Raúl Novoa | SANTIAGO DE COMPOSTELA | 15/12/2019 | Actualizada ás 22:00
Estes días celebrouse en Madrid a COP 25, onde se aproveita o tirón do movemento polo clima para presentar as diferentes reformas políticas, tras as distintas alertas que está dando o clima, entre eles o quencemento global ou a contaminación.
O movemento en defensa da Terra, calou con profundidade na xuventude, sobre todo neste último ano. Foron eles quen crearon os "Fridays for Future". A gran presenza do tema nos medios de comunicación e institucións políticas mostra a fortaleza, intensidade e proxección que ten a loita contra o cambio climático.
Desde diferentes colectivos do movemento contra o cambio climático, critícase á "transición ecolóxica" do sistema capitalista, por "non atacar directamente á raíz do problema", como ás grandes empresas e o método de producción.
Con todo, Galicia Confidencial saíu ás rúas de Santiago de Compostela a preguntarlles aos 'millennials' a súa opinión sobre o cambio climático. Todos coinciden: o problema é "estructural".
