Por E.P. | SANTIAGO DE COMPOSTELA | 20/12/2019 | Actualizada ás 10:45
Os técnicos do Concello de Santiago atópanse avaliando a situación do muro que caeu a noite deste xoves sobre un home que morreu no derrube.
Na mañá deste venres os técnicos e arquitectos da casa consistorial decidiron avaliar as medidas que se deben tomar para asegurar a zona e evitar que volvan suceder este tipo de incidentes.
Fontes do Concello confirmaron a Europa Press que o home falecido tiña 80 anos e vivía só na Rúa de Teo. Era orixinal de Ortigueira pero levaba toda a vía traballando na capital galega, de onde era veciño.
Por todo o ocorrido, o Goberno local decidiu suspender todas as actividades de celebración relacionadas co Nadal e durante esta mañá o alcalde de Santiago, Xosé Sánchez Bugallo, dará unha rolda de prensa.
Mentres tanto, os técnicos seguirán sopesando que facer co muro, pero de momento atópase valado e non se pode acceder. A zona está xa limpa e sen os restos do muro caído.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.